Ons Taleboek: wenners


RSG se taleboek Die Tale wat ons Praat – Taaldinge uit die gewilde radioprogram, is pas bekend gestel en nou op die rakke van boekwinkels beskikbaar.

Geluk aan die twee nuusbrief-intekenare wat elk een eksemplaar van die boek wen, is:

Pat Pretorius (pat.pretorius10@gmail.com) en

Bonita Matthee (bonita.matthee@gmail.com) 

Julle boeke is oppad.

Magdaleen Kruger, stasiebestuurder van RSG en hoof-aanbieder van RSG se taleprogram, Taaldinge vertel self meer oor die boek:

”Die jongste boek wat voortspruit uit ‘n RSG-program, is Die Tale wat ons Praat – Taaldinge uit die gewilde radioprogram. Gholfspelers streef almal daarna om ’n voëltjie of arend te slaan, maar hoeveel mense weet dat jy ook ’n albatros, kondor en volstruis op die gholfbaan kan behaal? Wanneer praat jy van ’n skuifie en wanneer is dit skyfie? Wat is die verskil tussen transkribeer en translitereer? Is die hoofstad van België Brussel of Brussels? Verwissel jy van baan of laan op ’n snelweg? Wanneer is iets skadeloos en wanneer onskadelik? Is dit biljoen of miljard? Praat ‘n mens van luk-raak of is dit lu-kraak?

Vir jare al, Sondae net ná elf, is taalnavrae soos hierdie in die RSG-program Die tale wat ons praat beantwoord. Deesdae heet die program net Taaldinge, maar luisteraarsnavrae word steeds bespreek. Hierdie boek kan gelees word as ’n gids ter aanvulling van die radioprogram – ideaal vir mense wat hou van keurige en korrekte gebruik van woorde en uitdrukkings, maar nie geïntimideer wil voel deur voorskriftelikheid nie. Vir elkeen wat getrou by die radio luister – en almal wat lief is vir Afrikaans!

Hierdie boek oor taaldinge uit die RSG-program Die Tale wat ons Praat is ‘n lekkerlees interessante boek, maar gee ook leiding oor kwelvrae soos wanneer praat ek van moreel en wanneer van moraal.

Nou beskikbaar by boekwinkels en aanlyn.

Luister hier hoe Magdaleen Kruger meer vertel het oor die inhoud van die nuwe boek.