Mediese speurder: fokus op alkohol


Forensiese patoloog dr. Izak Loftus van Pathcare op Somerset-Wes en lid van die uitvoerende komitee van die Nasionale Patologie Groep, kyk soos ‘n ware mediese speurder na die uitwerking van alkohol op die liggaam en wat in die liggaam met alkohol gebeur. Die ‘CSI’ program was in in twee aflewerings.

Hier is ‘n saamgestelde program: Luister hier.

Hier is die volledige programme:

Deel 1: Die eerste slukkie wyn, bier, brandewyn of enige ander alkoholiese drankie wat jy drink, het reeds ‘n uitwerking op jou brein. Dit begin met ‘n kleinerige effek in die voorste deel van jou brein. Hoe meer sopies jy drink, hoe groter en dieper spoel die brander van effek oor jou brein. Hoe werk dit? Ná hoeveel sopies gebeur wat? Is mens die volgende oggend babalaas of bloot steeds dronk? Luister na die interessante feite wat aan die lig kom wanneer ons deur die oë van ‘n forensiese patoloog na wyn, bier, brandewyn en ander alkoholiese drankies kyk.
Luister hier.

Deel 2. Het jy geweet ‘n gewoontedrinker se brein krimp, en dat die gevaar vir breinbloeding as hulle val, algaande groter word? Het jy geweet dat ‘binge drinking’ ‘n spesifieke uitwerking op een van jou organe het? Waarom lyk dit of gewoontedrinkers hulle drank beter kan hanteer? Sterf iemand wat in ‘n wyntenk val, weens alkoholvergiftiging of is daar ‘n ander, interessante oorsaak van dood? Dít is enkele van die interessante aspekte wat bespreek word wanneer ons deur die oë van ‘n forensiese patoloog na wyn, bier, brandewyn en ander alkoholiese drankies kyk.
Luister hier.