‘n Moordende fietstoer: 2 manne; 2 geslagte; ou sondes; baie lesse


Die afgetrede Oom Jannes (64) pak ’n fietstoer aan om sy eensaamheid van die gebroke verhouding tussen hom en sy seun te besweer, omdat hy te trots is om die bande te herstel en sy foute van die verlede te erken. ’n Jong man, Chili (22) oortuig hom om die rit mee te maak om kwansuis te toets hoe sterk hulle nog is deur op twee fietse deur die Moodernaars-Karoo van Prins Albert na George te ry. Maar Chili het ’n ander plan met die ekspedisie.

Die twee manne uit verskillende kulture en agtergronde durf die langpad aan gedurende ‘n moordende fietstoer waarin ou sondes aangespreek word en twee geslagte baie lesse bymekaar leer.

Oom Jannes (Dirk Stoltz) en die bloedjong Chilli (Christopher van der Westhuizen) gee hulleself net 10 dae tyd om die rit te voltooi. Maar elkeen het sy eie motief oor waarom hy op die toer gaan. En kort voor lank blyk dit dat nie elkeen is wie hulle voorgee om te wees nie… Aan die einde van die toer wag daar ‘n reuse-verrassing op hulle…

Die Fietstoer, deur Joa Bekker was een van die finaliste van die RSG-SANLAM-Radiodrama skryfkompetisie en word Donderdaagaand 1 November om 8 uur op RSG uitgesaai. Die regisseur is Leon van Nierop

Die akteurs in Die Fietstoer Agter v.l.n.r: Leon van Nierop, Dirk Stoltz (Jannes), David Louw, Miles Petzer (Jason) en Christopher van der Westhuizen (Chili). Voor: Christine Voorendyk (Melanie).

Dirk Stoltz (Jannes), Christopher vd Westhuizen (Chili) en Sulette Thompson (Elsbeth) in Die Fietstoer.

Bongi Thomas is verantwoordelik vir die tegniese versorging.

Die musiek vir die drama, is geleen uit Angels in the Outfield. Hier is die finale: