Luister weer: Portret van Cobus Rossouw,‘n legende in die vermaaklikheidswêreld


Donderdagaande, om 20:30 doen Margot Luyt ‘n reeks oor bekende legendes in die vermaaklikheidswêreld, veral toneel.

Ons het vele kunstenaars wat applous verdien vir hulle bydrae tot die toneel-, radio-, rolprent en televisiebedryf, maar van wie ons so maklik vergeet. In die reeks Portret van … gooi ons die kollig bietjie op daardie mense.

Margot skryf:
”RSG bied tans ‘n reeks aan oor ons sterre van die radio-, toneel- , rolprent- en televisiebedryf. Ons noem die reeks PORTRET VAN …

Ek is bevoorreg genoeg om van 1965 af nou betrokke te wees by hierdie wêrelde. Ek ken die meeste van ons ikone persoonlik en het dikwels met hulle saamgewerk as speler en regisseur. Ek is ook gelukkig genoeg om baie van hierdie mense goeie vriende te mag noem.

Ek gaan nou oor dertien van hierdie mense elke week tot einde Maart ‘n klankportret maak. Dit word tans Donderdagaande 20:30 op RSG uitgesaai.

Ons het die afgelope paar jare heelparty dokumentêre oor van ons grotes gemaak en gaan nou eers fokus op dié wat nog nie ‘n kans gekry het nie. Die portrette gaan onder andere oor Cobus Rossouw, Katinka Heyns, André Rossouw, Sandra Kotzé, Petru en Carel Trichardt, Ivan Abrahams en Johan van Jaarsveld.

Hierdie programme is ook op Potgooi beskikbaar.

Episode #1 – 5 Januarie 2017
Die beginjare van die Afrikaanse toneel soos vertel deur  Cobus Rossouw (foto regs) wat sy loopbaan by die NTO (Nasionale toneelorganisasie ) begin het.

Hy vertel boeiend van sy ervarings as jong speler saam met mense soos André Huguenot, Anna Neethling Pohl en ander.

Luister hier na die volledige program.

Lees meer oor Cobus Rossouw.

Hier is ‘n video van ‘n onderhoud wat Pasella in 2013 met hulle gevoer het: