Hoe hartkleppe deur sleutelgat chirurgie herstel word


Hoe herstel of vervang mens ‘n hartklep sonder om die pasiënt se borsbeen oop te sny sodat mens die hart blootlê? Jy doen dit deur ‘n klein snytjie in die regter-ribbekas tussen die ribbes te maak, en met langsteel-instrumente – een met ‘n kamera aan die voorpunt – deur die regterborsholte tot by en dan binne-in die hart te opereer. Met dié prosedure herstel die pasiënt vinniger, is die risiko vir infeksie laer omdat geen been deurgesny word nie, en – deur die gebruik van ‘n nuwer soort materiaal wat spoedig deur die liggaam se eie endoteelselle omring word en dus glad nie op die langtermyn verwerp word of tot stolsel-vorming kan lei soos konvensionele metaal- of varkkleppe nie om die klep te herstel – is die kans 90% dat die pasiënt nie ná 10 tot 15 jaar weer ‘n klepvervanging sal benodig nie.

Jacques_SchermanDr Jacques Scherman (links), hartchirurg van die Universiteit van Kaapstad en die Groote Schuur Hospitaal, is die eerste en tans ook die enigste hartchirurg in die land wat drie van die hart se vier hartkleppe kan herstel of vervang deur ribbekas-sleutelgatchirurgie.

Luister hier na die program.

Hoe funksioneer jou hartkleppe?

Die hart het vier kleppe naamlik die

  1. aortaklep – wat oop moet wees tydens sametrekking (sistolie), dus wanneer bloed uit die linkerventrikel na die liggaam gepomp word, maar toe moet wees tydens verslapping (diastolie), dus as die bloed van die linker ontvangkamer deur die mitrale klep na die linker pompkamer moet vloei,
  2. pulmonale klep – wat oop moet wees tydens sametrekking wanneer die hart bloed uit die regterventrikel na die longe pomp en toe moet wees tydens verslapping,
  3. mitrale klep – wat oop moet wees tydens verslapping as die bloed van die linker ontvanger (regter atrium) na die linker pompkamer (linker ventrikel) gepomp word, maar toe moet wees as die linkerventrikel saamtrek om bloed uit die hart deur die aortaklep na die liggaam moet pomp sodat die bloed nie weer teruggedruk word in die linker ontvangkamer in nie.
  4. trikuspidale klep tussen die regterontvangkamer en regterventrikel wat oop moet wees tydens verslapping en toe moet wees tydens sametrekking sodat bloed nie weer terugdruk word in die regterontvangkamer nie.

Kyk en luister na die program oor hartklanke en verdere inligting hoe jou hartkleppe werk.

Die twee sketse dui die posisies van die vier kleppe aan.

heart-valves-large

heartvalves-heartcrosssection1

 

 

 

Kyk na die video van die Amerikaanse Hartverening oor hoe die hartkleppe oop- en toegaan tydens sametrekking en verslapping van die hart.

Hoe word die operasie gedoen?

  1. In die teater word die pasiënt onder narkose geplaas
  2. Die pasiënt word aan ‘n hartlongmasjien gekoppel wat die funksie van die hart en longe oorneem. Die hartlongmasjien word egter in die lies aan die groot femerale slagaar en aar gekoppel en nie direk aan die hart nie.
  3. Die hartchirurg maak ‘n snit van sowat 6 cm lank tussen die ribbebene aan die regter-ribbekas.
  4. Die regterlong word platgeval sodat die chirurg
  5. Met dun, langsteel instrumente word die operasie in die linkerdeel van die hart gedoen deur weereens ‘n klein gaatjie in die hart.
  6. Afhangend van die defek, word die klep herstel: die ringbasis van die klep kan versterk word om die klep meer stabiel te maak; die dun koorde van die klep kan herbou of opnuut geheg word aan die papillêre spiere.

Let wel:

  1. Die materiaal wat gebruik word wanneer die hartklep herstel word, is van so aard dat dit geen materiaal bevat wat tot verwerpingsreaksies kan lei nie, en die liggaam se eie endoteelselle heg om die materiaal vas sodat die liggaam dit ten volle as sy eie weefsel aanvaar. Omdat daar geen verwerping is nie – nie eens langtermyn laegraadse verwerping wat in die konvensionele klepvervangings na 10 tot 15 jaar tot verkalking van die klep kan lei – funksioneer die herstelde kleppe in 90% van pasiënte steeds 100% 15 jaar ná die operasie.
  2. Die pasiënt herstel vinniger, met minder ongerief en pyn,  en die risiko vir infeksie is kleiner omdat daar nie deur been gesny word nie.
MICS setup 1

Links bo kan die posisie van die insnyding gesien word, regs bo hoe klein die snit is, links en regs onder hoe verskeie lang en dun apparate deur die enkele sleutelgat-opening ingeplaas word.

MICS setup 2

Dr Jacques Scherman (met sy rug na die kamera) aan die regterkant van die pasiënt met sy oë op die rekenaarskerm in die agtergrond.

MICS setup 3

Die enkele sleutelgat opening aan die regter ribbekas is duidelik te sien. Al die apparate wat gebruik word, is lank en dun.

MICS setup 4

Deur die enkele 6 cm snit word die mitraalklep wat tussen die linkerontvangkamer en linkerpompkamer geleë is, herstel.

Die eggogramme hieronder  wys hoe mitraalklep gelek het voor die operasie en dat die mitraal klep nie meer lek na die operasie nie: