Die Laingsburg-vloed: 40 jaar later


Foto: Op 25 Januarie 1981 breek die walle van die Buffelsrivier en oorstroom die dorp Laingsburg. Nagenoeg 100 mense sterf, 184 huise word verwoes en 72 mense se liggame word nooit weer gevind nie. Dié vloed het gevolg nadat sowat 425 mm reën op 24 en 25 Januarie geval het. Foto deur Kraal-uitgewers.

 Die Laingsburg-vloed wat die Karoodorp Laingsburg vroeg in 1981 getref het, word vandag nog gereken as een van die grootste natuurrampe wat Suid-Afrika getref het. Altesame 72 mense word steeds vermis.
 
Nou, vier dekades later, onthou RSG hierdie gebeure met die uitsending van Die Onsigbares: Wolkbreuk deur Krisjan Fourie. Die Onsigbares het in 2017 tydens die RSG Skatkis gedebuteer. Fourie was die skrywer en skepper met Nic de Jager as voorleser. En Paul Riekert (van Battery 9-faam) het die klanklandskap en produksie behartig.
 
Luisteraars kan op Maandag 25 Januarie om 10:15 in Alhoebekker met Amore Bekker na hierdie unieke en roerende vertelling uit die geskiedenis luister.
 

Die watermassa verswelg die dorp.

Die fratsvloed het in Laingsburg se eeufeesjaar plaasgevind en het binne minute ’n groot deel van die dorp weggespoel. Altesame 185 huise, die ouetehuis, skoolkoshuise, vier rondawels en 23 sakepersele is verwoes. Die regering het hulp aan die dorp voorsien en Die Burger het deur sy lesers sowat R3 miljoen ingesamel.

 

Groot skade is aangerig

Inwoners het die vloed as Swart Sondag beskryf – die dag toe die “bruin watermassa” die dorp verswelg het.

 
Luister op Maandag 25 Januarie na hierdie roerende “klankstorie” om 10:15 in Alhoebekker.