Die werkerbye gaan haal nektar en bring dit na die korf om heuning te maak. Die werkerbye werk hul letterlik dood. Hulle vlieg hul vlerkies stukkend. Teen die tyd wat hulle op die grond na nektar soek, is hulle vlerke al baie uitgerafel.

Die werkerby is onvrugbaar en die kleinste; die manlike vegtersby wat die koningin en die korf beskerm, is groter; en die koninginby is die grootste in die korf.

Die koningin-by is heelwat groter as die omringende vegterbye.

Die koninginby paar met verskeie manlike vegterbye (drones) en spaar dan die spermselle. Deur die verskeie parings kry sy baie genetiese materiaal in vir haar nageslag. Die vegterby gaan tydens paring dood.