Luister weer: Grensbreker


RSG se eerste Radioteater-seisoen vir 2019 is besig om tot einde te loop.

Radioteater word van April tot Junie elke Donderdag om 20:00 op RSG (100 tot 104 FM) uitgesaai. Die radiodramas word Maandagoggend tussen 01:00 en 02:00 in Deurnag herhaal.

27 Junie: Besoek van die grensbreker, deur Manie Groenewald

Foto: Andrew Spencer, Unsplash

Die seisoen word op Donderdag 27 Junie afgesluit met Besoek van die grensbreker deur Manie Groenewald en spelleiding deur Mari Snyman. Dit is ‘n sterk drama oor vroue. Drie susters word met hul verlede en verbrokkelde verhoudings gekonfronteer wanneer hul ma sterf. ‘n Vreemde man se besoek vertrap al die grense tussen hulle en die werklikheid…

Heelwat mense, en, sonder om chauvinisties te klink, heelwat ouer vroue, ervaar intense teleurstelling en ontnugtering. In “Besoek van die Grensbreker” deur Manie Groenewald word drie vroue, drie susters, gekonfronteer met hulle onsekerhede en hulle diepste geheime met die besoek van ‘n man wat nie is wat hy voorgee nie. Hy is die “grensbreker”, en hy laat hulle weer, of selfs vir die eerste keer, in hulleself glo.

“Besoek van die Grensbreker” was ‘n finalis in RSG en Sanlam se radiodrama-skryfkompetisie van 2018. Groenewald was voorheen medeskrywer van die bekroonde radiodrama, “Nagmaal vir twee”, wat deur die Gebruikerskomitee van die Moot-biblioteek ingeskryf is.

Elma Potgieter

Anton Dekker

Die susters se rolle word vertolk deur Elma Potgieter, Karen Wessels en Heidi Mollentze. Die rol van die man, die “grensbreker”, word vertolk deur Anton Dekker. Lochner de Kock kan gehoor word as die prokureur wat hulle ma se boedel behartig.

Luisteraars wat glo dat realiteit buigsaam is, sal dié drama geniet.

Die regie is in Johannesburg behartig deur Mari Snyman.

Lochner de Kock

“Besoek van die Grensbreker” debuteer op Donderdag 27 Junie om 20:00 in Radioteater en is die laaste radiodrama in die huidige seisoen. Die tweede seisoen sal van Oktober tot Desember duur.

 

RSG se eerste radiodrama seisoen vir 2019 het as volg verloop:

DATUM TITEL SKRYWER REGISSEUR
4 April Liewe Pynappel
Anna Greenfield Frieda van den Heever
11 April Ontruim
Esta Steyn Helena Hugo
18 April

 

Die Selle
Herman Cronjé Renske Jacobs
GOEIE VRYDAG
19 April
Die Prokurator van Judea
Frieda de Villiers Helena Hugo
25 April Suidoosterfees-konsert
2 Mei Anders geveer
Sophia van Taak Joanie Combrink
9 Mei Wilhelm Tell
Friedrich Schiller Jacques Loots
16 Mei Klippe wat val Philip Rademeyer Ronel Geldenhuys
23 Mei

 

Ouma op haar besem

Annika Swanepoel Anrich Herbst
30 Mei Karel se oupa

Retief Scholtz Christelle Webb-Joubert
6 Junie Erfporsie
Ronel Mostert Amor Tredoux
13 Junie Afkoeling
Martyn le Roux Kobus Burger
20 Junie Gert Garries – ‘n Baaisiekel Blues

Pieter Fourie Johan Rademan
27 Junie

 

Besoek van die grensbreker

Foto: Andrew Spencer, Unsplash

Manie Groenewald Mari Snyman