Jana Cilliers as Pous Johanna

Drama: Pous Johanna II met Jana Cilliers
Uitsaaidatum: Donderdag 17 November, 20.15
Geskryf deur Esther Vilar, vertaal deur Saartjie Botha.

Met Jana Cilliers & Sulette Thompson

Dit is die jaar 2033 en ‘n Amerikaner – die dogter van ‘n prostituut wat in ‘n krotbuurt in Los Angeles gewoon het – word as pous verkies. Egskeiding, geboortebeperking en homoseksualiteit is toelaatbaar en Katolieke priesters mag trou.

Daar is geen dogma, doodsondes of gebede nie. Al die Katolieke kerk se geld is onder die armes verdeel… En nou lewer Pous Johanna II haar inhuldigingstoespraak op televisie, al word sy kort-kort deur advertensies onderbreek.

Die aktrise Jana Cilliers lewer ‘n kragtoer in hierdie omstrede solostuk oor geloof en godsdiens in die moderne wêreld.
Regie: Eben Cruywagen

Luister hier na die promo:

Hier is ‘n kykie agter die skerms van die kragtoer wat op jou wag. Eben vertel meer en Jana is in aksie.

Johan van Lill het ook ‘n onderhoud met Jana gedoen.