Die masels virus het ook uitsteeksels wat graag aan liggaamselle bind sodat dit die selle kan binnedring om binne-in die selle te vermeerder.

Immunisering, vaksinering, inenting – verskillende benoemings vir die toedien van ’n entstof om te keer dat die ontvanger ’n siekte opdoen. Het vaksiene werklik ’n verskil gemaak aan siektes en sterftes? Is dit veilig? Wat sal gebeur as jy níé jou kind laat vaksineer nie?

En wat van die gebrek aan vaksinering tydens die Covid-inperkings? Wag daar dalk noor enkele maande ‘n groot masels-epidemie op Suid-Afrika in die lig daarvan dat selgs die helfte van kinders wat teen masels gevaksineer moes word, reeds hul inentings ontvang het? Gaan ons in die DRK se voetspore volg, waar ‘n masel-uitbreking weens gebrekking inenting reeds tot meer as 6000 kindersterftes gelei het? En hoeveel keer moet wetenskaplikes aan anti-vaxxers sê dat die berigte oor die verband tussen die MMR-vaksien en outisme al male sonder tal deur wetenskaplike bevindings weerlê is?

Marí Hudson gesels met dr Thandi Wessels, distrikspediater verbonde aan die departement pediatrie en kindergesondheid aan die Universiteit van Stellenbosch, oor dié kwessies.