Elliot Gates

Het jy geweet dat as die pasiënt tot 18 grade Celsius afgekoel word, die hartlongmasjien vir tot 45 minute afgeskakel kan word sodat die hartchirurg ’n aneurisme kan herstel? Hoe koel jy ’n pasiënt af tydens ’n hartoperasie? Hoe lank kan die brein sonder suurstof wees sonder afkoeling? Hoekom word die pasiënt so stadig van die hartlongmasjien gespeen ná ’n hartoperasie?

Mari Hudson praat met Elliot Gates, ’n perfusie-tegnoloog by die harteenhede van Groote Schuur en Rooi Kruis Kinderhospitaal, oor hoe hulle die hartlongmasjien tydens hartoperasies bestuur.

‘n Hartlongmasjien het baie buise wat die hart met die masjien verbind sodat die bloed onderskep word voordat dit die hart bereik, deur die masjien gaan, en dan weer in die bloedstroom gepomp word aan die ‘anderkant’ van die hart.

Chris Barnard het die eerste hartlongmasjien in 1958 in ‘n tas van Minneapolis gebring en in Kaapstad aanmekaar gesit en so kom die eerste operhartoperasie in Suid-Afrika gedoen word.