Dokters moet aan besliste en spesiefieke etiese optrede voldoen. Hulle mag nie wetend die pasiënt benadeel nie, hulle mag nie pasiënt-inligting verklap nie, en so meer.

Maar wat van die pasiënt? Wat mag die dokter van die pasiënt verwag? Is jy ‘n ideale pasiënt, ‘n loskop-pasiënt, ‘n volstruis-pasiënt of  ‘n buffel-pasiënt? Wat sal jou reaksies op die onderstaande situasies die beste beskryf? (Die meer ideale reaksies word in ‘bold’ aangedui.)

1. Jy voel nie lekker nie, is bewus van ‘n onverklaarbare ongemaklikheid, ‘n dowwe pyn knop of seertjie op jou lyf wat nie voorheen daar was nie..
a. Jy gaan so gou moontlik dokter toe
b. Jy gaan uiteindelik na baie geneul van jou lewensmaat
c. Jy steek vas soos ‘n donkie omdat jy bang is vir die diagnose
d. jy weier om te gaan, want dis niks en jy kom mos nie eintlik iets oor nie

2. Bel jy Saterdag of Sondag die dokter oor jou siek kind, wat al van Woensdag keelseer of ‘n deurmekaar maag, of koors het?
a. Ja
b. Nee

3. Jy is betyds vir jou doktersafspraak, maar hy is laat
a. Jy raak vies en wil loop
b. Jy verstaan dat daar dalk ‘n noodgeval kon wees

4. Jy besoek jou dokter en hy skryf vir jou medikasie voor…
a. jy gebruik jou medikasie soos voorgeskryf
b. Jy gooi die voorskrif in die asblik
c. Jy kry jou medisyne by die apteek, maar los dit ná ‘n dag of twee of drink dit soos dit jou pas
d. Jy glo nie aan voorskrifmedisyne nie, en gebruik eerder kruiemedisyne

5. Jy stop jou voorskrifmedisyne..
a. Jy bel jou dokter en lig hom in oor jou besluit
b. Jy staak jou voorskrif chroniese medikasie, maar dink dis onnodig om jou dokter te laat weet

6. Jy moet moontlik na ‘n spesialis gaan, soos ‘n dermatoloog, ‘n kardioloog, ‘n uroloog, ginekoloog ens…
a. Jy bespreek dit met jou dokter, en julle besluit saam wie die beste spesialis vir jou is nadat jy ook jou eie voorkeure bespreek het, want jy wil na die beste spesialis gaan al is hy/sy nie die naaste een nie.
b. Jy maak sommer self ‘n afspraak by ‘n spesialis wat jy van gehoor het, want dit het mos nie veel met jou GP te doen nie.
c. Jy gaan na die naaste spesialis by die naaste hospitaal, want dis baie geriefliker vir jou

7. By die GP en spesialis…
Verwag jy dat die dokter jou ingelig moet hou en elke stap vir jou moet verduidelik, maar jy verstaan niks wat hy sê nie, en hy lyk ongeduldig
a. Vra jy die dokter en spesialis uit tot jy alles verstaan
b. Wil jy net uit die speekkamer kom so gou moontlik

8. Die spesialis…
a. Maak dit jou vies as jy nie met elke afspraak self die spesialis sien nie, maar dat die tegnoloog (in die geval van ‘n kardioloog as voorbeeld) jou EKG doen, of as jy langer as 20 minute moet wag, want jy is ook besig.
b. Het jy reeds ge-google wat jy makeer, en vertel jy vir die spesialis wat jy dink
c. Vertrou jy die spesialis wat mooi met jou gesels die meeste.
d. Jy het baie navraag gedoen om die beste spesialis te vind en vertrou die spesialis om dat jy weet hy is uiters kundig in sy veld

9. In die hospitaal
a. Is jy by voorbaat kwaad
b. Voel jy soos ‘n lam wat ter slagting gelei word
c. Lui jy die klokkie maar geen verpleegster kom help jou nie
d. Die dokter loer net in, en jy is ongelukkig oor die dokter en verpleegkundiges se diens.

10. Gedurende en ná jou die hospitaal…
a. Maak jy ‘n punt daarvan om te kla oor die swak diens
b. Dink jy al die rekeninge is buitesporig hoog
c. Volg jy die spesialis, fisioterapeut en dieetkundige se instruksies.