Jy wil gewig verloor. Die advertensie belowe vinnige gewigsverlies – met ’n inspuiting deur ’n dokter! Beteken dit dat as ’n dokter die inspuiting gee, dit veilig is en werk? Wat spuit hy in? Wat doen bykomende menslike plasentahormoon, groeihormoon en ander middels aan jou liggaam?

Marí Hudson het in Gesondheid op RSG gesels met prof. Tess van der Merwe, endokrinoloog verbonde aan die Universiteit van Pretoria se mediese fakulteit.

Dit het in die gesprek duidelik geword dat van die middels wat ingespuit word of gevaarlik is of glad nie werk nie, slefs kanker kan veroorsaak, en dat dokters wat betrokke is by dié praktyke nie op hoogte is van die jongste bewysgebaseerde wetenskaplike inligting oor dié middels nie. Van die inligting is ontstellend en skokkend; van die ander inligting laat ‘n mens jou kop in ongeloof skud.

As ‘n mediese dokter jou ‘n maermaak-inspuiting gee, beteken dit glad nie die stof wat hy inspuit is veilig, mediese ge-evaluseer of goedgekeur deur die Suid-Afrikaanse Gesondheisprodukte Raad, die Amerikaanse FDA of die Europese Medisynebeheerraad nie.

Dit moet ongelukkig genoem word dat dokters wat bereid is om enige van die onderstaande stowwe in te spuit vir maermaak-doeleindes, nie op hoogte is van die jongste bewys-gebaseerde wetenskaplike inligting nie, en daar kan inderdaad gevra word of hy/sy die beste belang van sy pasiënt op die hart dra.

Die dokters wat maermaak-inspuitings gee, word gekontrakteer deur die vervaardigers van die produk en word vergoed vir die inspuitings.

HCG-diëte

1. Van die bekende maermaak-inspuitings bevat hCG, dit staan vir ‘human chorionic gonadotropin’ en is die hormoon wat ‘n swanger vrou se plasenta afskei as sy swanger raak. Sommige diëte word openlik geadverteer as HCG-dieetplanne, wat dan die inspuiting insluit. Ander diëte wat die HCG-inspuiting inspan, het ander name, bv. MediLean. Die aansprake  die HCG-dieet voorstaanders is dat HCG jou eetlus onderdruk. Maar wetenskaplike studies het getoon dat HCG GEEN effek het op eetlus-onderdrukking of gewigsverlies nie, en dit is glad nie in die VSA, Europa, Engeland of Suid-Afrika goedgekeur vir gebruik as maermaak-middel nie. Dit is onwettig om HCG in die VSA en Kanada te gebruik vir maermaak-doeleindes en vir enige ander doeleiendes as om onvrugbaarheid kortstondig in vroue te behandel nie.
2. Moenie dink HCG-druppels, -poeier, of -sproei of wat geklassifiseer word as ‘natuurlik’ of ‘homeopaties’ is aanvaarbaar nie – dit word ook deur die verskeie medisynebeheerrade verbied vir maermaak-redes.
3. Mans wat HCG in enige vorm kry vir maermaak-redes, se testosteroonvlakke verhoog, hul spermtelling verlaag, hul borste vergroot, en hul risiko vir prostaat- en testikulêre kanker verhoog. Vroue wat dit langdurig gebruik en in die doserings vir vir maermaak-redes) se testosteroonvlakke kan ook verhoog. Beide die mans en vroue het ‘n groter risiko vir bloedstolsel in die long (pulmonale embolus, wat noodlottig kan wees) en beroerte. HCG kan jou wel naar maak, soos oggendnaarheid by ‘n swanger vrou.
4. As die HCG geen invloed het op gewigsverlies of die herverspreiding van vet het nie, waarom verloor mense op HCG-diëte wel gewig, want hulle verloor inderdaad baie gewig? HCG-diëte behels, buiten die HCG-inspuitings/druppels/sproei/poeier ‘n erg kalorie-beperkende eetplan van 500 kcal wat ‘n uithongerings-dieet genoem word. Die gemiddelde, normale, gesonde mens het sowat 2000 kcal per dag nodig. ‘n Eetplan van 500 kcal per dag minder as wat jy gewoonlik inneem, is die ideale eetplan om 0.5 – 1 kg gewig per week te verloor – dit is die tempo van gewigsverlies wat bewys is as volhoubaar en om te verseker dat jy nie later weer die gewig optel nie. Dit is dan inderdaad wat in die meeste gevalle wat met die mense gebeur wat die HCG uithongerings-dieet volg: hulle tel later al die gewig en nog meer op. En die klimtol siklus begin. Waarom?
5. Die klimtol-siklus werk só: As jy 500 kcal per dag inneem, dink jou brein en liggaam jy is in die woestyn en in ‘n oorlewingsituasie, en veg nou vir oorlewing. Jou brein laat dadelik vir jou liggaam weet om sy Basale Metaboliese Tempo oftewel BMT te verlaag. Dit is die basiese energie wat jy nodig het om jou hart te laat klop, jou organe om te funksioneer, om te slaap, te loop, jou kos te verteer en te absorbeer en om te sit. Jy sal waarskynlik op ‘n dieet van 500 kcal per dag te moeg wees om te oefen, en die HCG kan jou dalk effe naar maak soos oggend-naarheid vir ‘n swanger vrou. ‘n Mens se liggaam pas dan aan by die laer BMT. As jy met hierdie verlaagde metabolisme terugkeer na jou ou eetpatrone en jou vorige kcal inname, sal jy beslis gewig optel en kan jy vetter as ooit word omdat jou metabolisme nou laer is as voordat jy met die dieet begin het. Terwyl jou liggaam in hierdie metaboliese ramptoestand is, sal jy baie baie moeilik weer gewig verloor, omdat jou metabolisme nou so laag is dat jy byna niks moet eet nie voordat jy weer gewig begin verloor. Met die klimtol-effek sal jy al meer spiermassa verloor, jou BMT sal al laer word, en jy sal al moeiliker gewig verloor en al meer optel ná die dieet.
6. Die enigste manier om jou liggaam uit hierdie klimtol-siklus te kry, is om gereeld oefening te doen – minstens 3 tot 4 keer per week, minstens 30 min op ‘n slag, sodat jy minstens 2 ure lank per week oefen, en veral spieroefening, want slegs ‘n vermeerdering in jou spiermassa kan jou metabolisme versnel, geen pil of poeier nie.
Dus: as jy in hierdie klimtol-siklus is, vergeet van pille en poeiers, besoek ‘n geregistreerde dieetkundige vir die beste wetenskaplike hulp om jou liggaam uit hierdie metaboliese ramp te kry, sowel as ‘n biokinetikus, want jy moet spieroefeninge en kardiovaskulêre oefening doen.

Slotsom oor HCG 500 kcal/dag dieet:

• As jy jou liggaam in ‘n metaboliese ramp in wil dieet, volg ‘n uithongeringsdieet soos die HCG-dieet.
• As die man lus is vir groter borste, lae spermtelling en ‘n groter risiko vir testes- en prostaatkanker, ‘n groter risiko vir ‘n long-embolus of beroerte, gebruik HCG in enige vorm vir maermaak-redes.
• As die vrou lus is ‘n verhoogde risiko vir ‘n long-bloedstolsel of beroerte, gebruik HCG vir maermaak-redes.
• As jy jou liggaam wil herstel van hierdie metaboliese ramp, besoek ‘n geregistreerde dieetkundige (nie ‘n voedingkundige, dokter, Nutritional coach of enige iemand anders nie), en biokinetikus vir die regte eetplan en die regte spieroefeninge.

Inspuitings wat vet oplos

1. Dié soort inspuiting maak gereeld ‘n herverskyning in ‘n ander baadjie. Dit is reeds in 2010 deur die FDA in die VSA, en ook in Europa en Skandinawië nie net verban nie, maar onwettig verklaar.
2. Van die name van dié inspuitings is Lipostabil, Lipodissolve, of word beskryf as mesoterapie, lipolitiese inspuitings of lipotropiese inspuitings.
3. Volgens die vervaardigers los dié inspuiting vet op, en dus sal veelvoudige inspuitings die vet onder jou vel laat verdwyn.
4. Dit lei nie tot grootskaalse verdwyning van vet onder die vel nie.
5. Só baie verbruikers het egter permanente deformiteite van die vel en spiere opgedoen – onooglike permanente knoppe en duike in die vel en spiere dat dit die FDA genoodsaak het om dié middel te verbied. Die baba is letterlik met die badwater uitgegooi, omdat dié middel wel onder streng toesig deur oogspesialiste gebruik kon word om sekere ondeursigtige vetstukkies in die oogvog kon oplos. Slegs in Duitsland word daar tans onder streng toesig verdere navorsing oor die mediese gebruik daarvan om mense met oogprobleme te behandel.

   Slotsom oor vet-oplos inspuitings:

• As jy nie omgee dat bulte en duike op jou vel en spiere kan ontwikkel nie, neem dié onwettige inspuitings. Hoe en waar die vet gaan oplos en hoe die resultaat gaan lyk, kan glad nie gewaarborg word nie.
• As jy gesonde verstand het, bly weg.

Die gebruik van binne-aarse Vitamien konkoksies

1. 

   Die meeste binne-aarse vitamien-konkoksies is heldergeel van kleur

   Die jongste gier is binne-aarse drips van vitamien- en mikronutrient-konkoksies vir gesondheid en energie, wat mediese spesialiste baie besorg laat. Van dié konkoksies is bekend as die ‘Myers cocktail’ wat heelwat Vitamien B en C bevat.

2. Verskeie Hollywood sterre gryp hierdie foefie aan.
3. Dit werk só: die mens wat gewig wil verloor of sogenaamd gesonder wil lewe, besoek ‘n Nutritional Health Coach/Expert (wat minimale opleiding het, en glad nie by die SA Raad vir Dieetkundiges geregisteer is nie, en dus volgens wetgewing glad nie by magte is om dieetkundige gesondheidsadvies te gee nie, want geregistreerde dieetkundiges is die enigstes in die land wat opgelei is om dieetkundige advies te gee wat te doen het met mense se gesondheid), wat dan ‘n handvol oor-die-toonbank middels voorskryf asook ‘n binne-aarse vitamien-mengsel. Dieselfde mengsels word vir almal voorgeskryf.
4. Wat presies is in die binne-aarse mengsel? En wat is in die pille en poeiers wat gegee word? Hoe weet jy daar is nie manlike hormone in nie? Of te veel vitamiene vir jou eie liggaam? En of jou lewer dit kan hanteer? En of jy nie net bloot alles gaan uit-piepie nie?
5. Eerstens mag slegs dokters en geregistreerde dieetkundiges binne-aarse voedingstowwe aanbeveel of voorskryf.
   Tweedens moet vitamiene en soortgelyke produkte gebruik word indien daar vasgestel is dat die behandelde ‘n spesifieke tekort het en maak dit geen sin om dieselfde ‘behandeling’ vir almal ‘voor te skryf’ nie. Geen bloedtoetse word egter voor-af gedoen nie.
   Derdens kan ‘n oormaat vitamienes die lewer beskadig en tot groot gesondheidsgevare lei.
   Vierdens moet gevra word oor die inhoud van die binne-aarse mengsel?
   Vyfdens moet vrae gestel word oor dié moontlik geldmaak-foefie deur mense wat nie geregistreer is om die mens se gesondheid met dieet- en dieetaanvullings te behandel nie.

   Slotsom oor binne-aarse vitamien-konkoksies deur onopgeleide mense:

• Mike Bolhuis sou sy kop geskud het en gesê het: ‘How stupid can you be?’
• As jy gesonde verstand het, bly weg.
• Só skryf die Britse Voedingsverening oor die Vitamin drup:

“…To date there is no robust evidence from human clinical trials showing any positive health effects,. Indeed, the only published trial on their use (in fibromyalgia) showed no benefit. So people buying these injections … may well be wasting their money. All the excess vitamins will be excreted in the urine.

Intravenous nutrients are used in hospitals for patients who are too sick to eat or in the treatment of a severe nutrient deficiency involving a particular nutrient. The requirement for such infusions and the amount given needs to be carefully assessed and monitored by use of appropriate blood tests.

Vitamin B12 deficiency anaemia, which is purported to be treated or prevented by intravenous infusions, is usually treated with intramuscular ( not intravenous) injections of vitamin B12 (NHS Choices 2014). Intravenous therapy is unnecessary.

It is well established that vitamins and minerals can be harmful in excess, especially fat soluble vitamins that are stored rather than excreted by the body. For example, large amounts of vitamin A can cause liver and bone damage and at very high doses vitamin E may interfere with the absorption of other vitamins. Also of concern is that the clinics providing these injections … would be unaware of any pre-existing conditions that may be adversely affected by these injections or any other contraindications.

 Vitamins should only be administered via the veins by qualified health professionals, to people who are too ill to feed themselves or those that have been diagnosed by their GP or medical specialist as having severe (typically single nutrient) nutritional deficiencies.”

Lees ook: https://sciencebasedpharmacy.wordpress.com/2013/05/25/intravenous-vitamin-injections-wheres-the-evidence/

Die gebruik van Groeihormoon-inspuitings

1. 

   Enkele produkte met onwettige GH

   Dit oneties, onwettig en baie gevaarlik om groeihormoon (HGH, Human Growth Hormone) in enige vorm te gebruik vir maermaak- of spierbou-doeleiendes.

2. Van die produkte is nie menslike Groeihormoon nie, maar vark groeihormoon. Die doserings wat gebruik word, is ook dikwels gevaarlik hoog.
3. Dit kan mans baie aggressief maak en tot onomkeerbare skade aan jou suikermetabolisme lei (en dus tot diabetes), onomkeerbare skade aan jou hormone vir stres-hantering en jou bloeddruk verhoog.
4. Dit word dikwels saam met testosteroon of enige ander anaboliese steroïd of voorloper van anaboliese steroïede soos DHEA gebruik.
5. Groeihormoon word in uitsonderlike gevalle met groot oorleg en onder streng toesig deur spesialiste gebruik om kinders met groeiprobleme te help.

   Slotsom oor GH-inspuitings:

• As jy graag diabetes wil hê, jou bloeddruk wil verhoog, en jou jou liggaam permanent in ‘n stres-hormoon toestand wil plaas, gebruik swartmark GH vir maermaak, of spierbou-redes.
• As jy gesonde verstand het, bly weg.

Die gebruik van Insulin-soortige Groeifaktor 1 (IGF-1)

1. Dit is oneties, onwettig en gevaarlik om Insulin-soortige Groeifaktor (IGF-1) in enige vorm te gebruik vir maermaak- of spierbou-doeleindes.
2. Dit het die laaste 10 jaar ‘n mode geword onder spierbouers in ‘n gym.
3. In die mens is dié hormoon baie belangrik in die ontwikkeling van die embrio. Dié hormoon word natuurlik in jou lewer vervaardig en werk nou saam met Groeihormoon en Insulin.
4. Jy het geen bykomende IGF-1 nodig nie.
5. Bykomende IGF-1 Dit kan die ontwikkeling van verskeie soorte kankergewasse aanmoedig.

Slotsom oor Insulin-soortige Groeihormoon:

• As jy nie omgee om jou risiko vir bors- of prostaatkanker of diabetes te verhoog nie, gebruik addisionele swartmark IGF-1.
• As jy gesonde verstand het, bly weg.