29 Febr: ‘n Dokumentêr oor koorsang


Die Stellenbosse Universiteitskoor

Luister op 29 Februarie na ‘n dokumentêr oor koorsang. Verenig in stem is saamgestel deur Ina Strydom.

Die geheim van koorsang lê in die vermoë om die verskillende sangers – wat stemsoorte insluit soos soprane, alte, tenore en basse – in harmonie te laat sing.  Om dié stemsoorte en individue te laat saamsmelt tot ‘n eenheid.

In dié dokumentêr ondersoek Ina Strydom dié proses.  Verskeie bekende koorleiers neem deel om die “geheim” van koorsang te verklaar.

Koorsang bestaan reeds duisende jare as kunsvorm. Eers by die ou Grieke as deel van dramas en verhale; en later as deel van die Christelike kerk se liturgie. Daarna het dit begin deel gevorm van operas en oratoria en ontwikkel tot alleenstaande kunsvorm.