Die wetenskap van fietsry in die Tour de France


Met die Tour de France, een van die gewildste fietswedrenne in die wêreld, tans aan die gang, gesels Marí Hudson met dr Ross Tucker, bekende sportwetenskaplike oor die wetenskap van mededingende fietstoere.

Wat is die eienskappe van ‘n ideale toerwenner om tydrenne te wen, maar ook die berge aan te pak? Is die wentye swakker as in die tyd van Lance Armstrong? Indien nie, is verbode middels dan steeds ’n deel van sulke fietstoere?

Die Tour de France duur van 29 Augustus tot 20 September. Vandag, 16 September, is dit Skof 17, met die bergpasse tussen Grenoble en Méribel. Die fietsryers is letterlik in die Franse Alpe.

Interessante feite

  • Die TdF fietsryers is klein gebou, maar super-atlete.

    Fietsryers wat aan die Tour de France deelneem is elite atlete en van die fikste en gehardste van alle atlete in die wêreld.

  • Die ideale TdF fietsryer is klein en lenig gebou, weeg sowat 50 tot 60 kg, het baie sterk spierkrag om geweldige baie Watt krag te lewer, baie goeie uithouvermoe om dié krag ure lank te lewer, het baie goeie longkapasiteit en uitstekende hartfunksie, en is geestelik baie sterk.
  • Die TdF is tegelyke tyd ‘n spansport, waar die span beslis die moontlike beste jaer in die span beskerm, maar ook ‘n individuele sport, want die individu sal nie kan wen as hy nie werklik die beste is nie. Die span help baie, maar selfs ‘n sterk span sal nie ‘n middelmatige individu kan help om te wen nie.
  • ‘n TdF fietsryer moet beslis met sekere eienskappe gebore word, wat dan verder deur baie harde oefening verbeter word.
  • Die skoftye het nie sedert die era van Lance Armstong en EPO-middels verswak nie. Inteendeel; dit het verbeter. Deel van die beter tye kan toegeskryf word aan beter fietse, beter tegnologie en beter beplanning. Maar die moontlikheid dat ‘n nuwe soort gesofistikeerde gebruik ‘n kombinasie van middels om prestasie te verbeter, kan nie uitgesluit word nie:
    – die gebruik van kortisoon in die voorbereidingsfase sodat die fietsryer langer en sterker kan oefen,
    – die gebruik van klein hoeveelhede EPO sodat die uitwerking op die suurstofdraende rooibloedselle nie maklik opgespoor kan word nie,
    – die terugtap van die ryer se eie bloed, wat hy voorheen geskenk het, sodat sy bloed meer rooibloedselle bevat, net genoeg sodat dit nie saam met ander middels maklik opgespoor kan word nie.
    – die gebruik van asmamedikasie as stimulante vir beter long- en hartfunksie.
  • Die era van die gebruik van alkohol, kokaïene, amfetamiene, anaboliese steroïede en EPO in groot maat is moontlik hokgeslaan, maar dit blyk dat die gebruik van kleiner hoeveelhede middels bekend as ‘micro doping” nou ter sprake is.

Lees meer oor vandag se TdF, st

https://www.telegraph.co.uk/cycling/2020/09/16/tour-de-france-2020-stage-17-race-start-time-watch-tv/