Tot 40% van SA sigarette is smokkel-sigarette


Sigarette bevat inderwaarheid meer as 4000 gevaarlike stowwe.

Het jy geweet rookverwante siektes weens aktiewe en passiewe rook, eis elke jaar 170,000 lewens in Suid-Afrika, en dat totaal voorkombare rookverwante siektes minstens R6 miljard (oftewel 1% van die land se Bruto Binnelandse Produk) opslurp?

Voorts is 30 tot 40-persent van sigarette wat in Suid-Afrika gerook word, smokkelsigarette wat deur onwettige handel in die hoofstroom beland. En dit word nou meestal in Suid-Afrika vervaardig, nie van ander lande ingesmokkel nie. As ’n pakkie sigarette minder as R20 kos, kan jy maar weet dit is smokkelsigarette.

Marí Hudson praat met gesondheidsekonoom dr Laura Rossouw oor die finansiële impak van sigaretrook op die gesondheidsekonomie en Suid-Afrika se ekonomie.

Ons kyk ook na wetgewing, vaping en e-sigarette, die tendense in smokkelhandel en die gebrek aan beheer oor smokkelhandel.