Só werk robot-tegnologie in knievervangings
Robot-tegnologie word nou al meer ingespan in knievervangings. Hoe werk dit? Sny die robot of sny die ortopeed? Hoe kan dit akkurater wees? Is die uitkoms werklik beter? Is dit duurder vir die pasiënt?
Mari Hudson het ’n operasie bygewoon en met dr Callie Ackerman, ortopediese chirurg, oor die jongste tegniek gesels.
Luister hier na die program:
08:16 Die pasiënt se linkerknie is voorberei.
08:23. Die chirurg (met die rooi doek op sy kop) maak die eerste snit deur die vel op die plek wat hy voor-af gemerk het.
08:26. Nog besig met die eerste snit.
08:48. Die eerste merker (die blou driepuntvormige voorwerp in die middel van die foto) is in die skeenbeen geanker.
08:59. Die eerste merker kan gesien word waar dit voor die skeenbeen uitsteek. Die tweede merker bokant die knie kan onder die chirurgiese assistent se arms gesien word.
09:00. Met die merkers in plek, en gekoppel aan die robot/rekenaar, identifiseer die chirurg al die belangrikste anatomiese landmerke een vir een (sien die lysie links op die skerm) en noteer die robot die presiese posisie van elke landmerk.
09:00. Die chirurg kyk na die rekenaarskerm om seker te maak dat elke anatomiese landmerk wat hy aandui, deur die rekenaar genoteer word.
09:08: Die span berstudeeir die berekenings van die rekenaar om seker te maak presies hoeveel millimeter been moet waar verwyder word om die kniegewrig goed te laat werk, en die been reguit te maak, maar ook stabiel. Die berekenings word versigtig aangepas tot die span teverede is dat die been goed sal funksioneer.
09;08. Fyn beplanning. Klein verskuiwings en verdere beplanning.
09:15. Die span is tevrede met die berekenings.
09:16. Die werk aan die bodeel van die tibia begin.
09:17. Die boorwerk is aan die gang. Nadat baie harde vergroeisels verwyder is.
09:17. Die toerusting waarmee die been geboor en gesaag word, kan duideliker gesien word. Die hoek waarteen geboor word, word ook akkuraat bereken.
09:30. Weereens word gemeet. Die abnormale been en groeisels is uit die kniegewrig verwyder. Die operasie-area het baie min bloed. Die operasie is baie skoon.
10:32. Daar is al baie gemeet en gepas. Die toets-prosteteses is ingesit om te pas, en uitgehaal. Die twee permanente prosteses is vasgesement met sopesiale sement. Die poli-etileen skyfie tussen die twee prosteses is ook gepas, en ingeplaas. Die chirurg (in die middel) en die twee dokters wat assisteer, konsentreer hard.
11:26. Die laaste steek is ingesit en die wond is geheg. Die komplekse knievervanging het van eerste snit tot toewerk drie ure geduur. Die kniegewrig was nogal baie geslyt en beskadig. Die been is reguit gemaak.
