Dr Susan Vosloo gesels oor kinder-hartoperasies
Klein Roxanne (3 jaar, nege maande) vorder goed na haar hartoperasie.
Soms moet ’n baba wat met ‘n hartdefek gebore word, binne een week geopereer word om die lewetjie te probeer red. Soms word die hartdefek eers ’n jaar later gediagnoseer en dan is dit dikwels ’n tweede hartfout wat tydelik gehelp het dat die kleuter tydelik oorleef.
Hartchirurg dr Susan Vosloo vertel hoe ’n chirurg dan ’n tweede en derde hartfout gebruik om ’n relatiewe normale hartfunksie te skep.
Ja, ’n hartchirurg moet ook soos ’n ingenieur en fisikus dink om struktuur, kragte, vloei en drukke in ag neem om die hart te laat funksioneer.
Luister hier na Gesondheid op RSG, aangebied deur Marí Hudson.
Klein Henu en sy ma Melanie. Die vrolike seuntjie wag op ‘n hartoorplanting.
Klein Henu wil net die dinge doen wat klein seuntjies doen.
Klein Henu Pienaar (3 jaar en sewe maande) wag op ‘n hartoorplanting.
Henu Pienaar (3) wag op ‘n hartoorplanting. Sy ouers doen alles om hom te help om so normaal moontlik te lewe en die dinge te geniet wat ‘n klein seuntjie gelukkig te maak.
Trikuspidale atresie en alles wat daarmee gepaard gaan
Trikuspidale atresie beteken dat die klep tussen die regter ontvangkamer en regter pompkamer nie ontwikkel het nie en dat bloed dus nie van die regter ontvangkamer na die regter pompkamer kan vloei nie.
Maar dan ontwikkel die regter pompkamer oor nie so goed soos wat nodig is nie.
Die baba het eintlik net een werkende pompkamer, naamlik die linkerventrikel. En die regterventrikel word net ‘n deurgang.
Lees meer oor Trikuspidale atresie:
https://www.cdc.gov/ncbddd/heartdefects/tricuspid-atresia.html
In baie gevalle van trikuspidale atresie, kan ander hartdefekte oor voorkom.
- Daar kan ook ‘n gat tussen die twee ontvangkamers wees.
ASD. Die gat tussen die twee ontvangkamers, beteken dat al die bloed wat van die liggaam (die blou bloed na die regter ontvangkamer) en die suurstofryke bloed uit die longe (wat na die linker ontvangkamer vloei) meng.
Dit staan bekend as atriale septale defek of ASD.
Dit beteken dat die opening tussen die twee ontvangkamers, bekend as die Foramen Ovale, wat ná geboorte sluit omdat die baba se longe nou self die suurstof by die bloed kan voeg en nie die ma se sirkulasie nie, nie gesluit het nie. Dokters praat dan ook van ‘n Patente Foramen Ovale.
As dié fout saamval met Trikuspidale atresie, is dit belangrik dat die vloei tussen die twee ontvangkamers onbelemmerd moet wees, anders gaan die regter ontvangkamer ‘opblaas’ van al die terugkerende bloed vanaf die liggaam.
As ‘n baie wat met trikuspidale atresie gebore word, nie ‘n gat tussen die twee ontvangkamers het nie, moet die gat gemaak word, en so groot as moontlik sonder om die hart se geleidingsweefsel te beskadig.
In Roxanne se geval het die gat haar lewe gered, maar die gat was te klein en die druk het opgebou in haar regter ontvangkamer.
Lees meer oor ASD: https://www.cdc.gov/ncbddd/heartdefects/atrialseptaldefect.html
2. Daar kan ook ‘n opening wees tussen die twee pompkamers wees.
Die gat tussen die twee pompkamers veroorsaak dat bloed tussen dien twee pompkamers vloei.
Dit staan bekend as ‘n ventrikulêre septale defek oftewel VSD.
As VSD saam met trikuspidale atresie val, beteken dit die bloed kom nooit van die regter ontvangkamer in die regter pompkamer beland nie. Al hoe bloed in die regter pompkamer beland, is vanaf die linker pompkamer deur die gat wat nie daar moes gewees het nie.
As daar nie ‘n foutiewe gat tussen die twee pompkamers is in ‘n kind met trikuspidale atresie, kan geen bloed in die regterpompkamer beland nie, en kan geen bloed na die longe gepomp nie.
Lees meer oor VSD: https://www.cdc.gov/ncbddd/heartdefects/ventricularseptaldefect.html
3. Die groot bloedvate uit die hart kan omgeruil wees.
Met transposisie van die groot vate, vloei die bloed uit die linkerpompkamer nie deur die aorta nie, maar deur die longslagaar na die longe. Die bloed uit die regterpompkamer vloei nie na die longe nie, maar na die liggaam.
Dit staan bekend as transposisie van die groot vate.
Met transposisie van die groot vate, vloei die suurstofryke bloed uit die linkerpompkamer nie deur die aorta nie, maar deur die longslagaar na die longe, om nog suurstof by te kry. Die suurstof-arm bloed vloei uit die regterpompkamer, nie na die longe nie, maar na die liggaam. Die siklus veroorsaak dat die baba al minder suurstofryke bloed in sy brein en liggaam kry en al blouer word.
Daar is ook geen funksionele klep in die longslagaar nie. Die druk in die longe word te hoog omdat die linkerventrikel ewe veel bloed na die longe en die liggaam pomp.
Die druk na die longe moet 25% wees van die druk van die bloed na die aorta, maar in Roxanne se geval was dit ewe veel. En het te veel druk op haar longe.
Die belangrikste was om die druk na die longe te verminder, deur ‘n band om die longslagaar te plaas. Dit sal haar hartversaking verminder.
Lees meer oor D-Transposisie van die groot vate: https://www.cdc.gov/ncbddd/heartdefects/d-tga.html
Dr Vosloo het dus:
1. Die opening tussen Roxanne se twee ontvangkamers groter gemaak sodat die suurstofryke en suurstof-arme bloed wat van die longe en die lliggaan teruggekeer het, goed kon meng.
2. Die gemengde bloed het dan van die groot ontvangkamer na die linkerventrikel gevloei.
3. Die linkerventrikel het eweveel bloed deur die longslagaar en aorta gepomp, en die regterventrikel word bloot ‘n deurgang van die bloed. Om die drukke in die longe te verminder, is ‘n klampie om die longslagaar geplaas.
4. Die stappe behoort haar hartversaking te verminder, die drukke in haar longe algaande te normaliseer, en haar ‘n relatief normale lewe te hê.
5. Roxanne het nou ‘n gebalanseerde sirkulasie, al het sy net een werkende pompkamer, omgeruilde groot vate, geen triskuspidale klep nie, en ‘n gat tussen haar ontvangkamers en tussen haar pompkamers.
Hierdie vereenvoudigde sketse dui aan hoe klein Roxanne se hart weer funksioneel gemaak is. Links is ‘n normale hart met twee aparte sikrulasies aangedui in blou rooi. Inn die middel is Roxanne se hart, waar gemengde bloed na die linkerventrikel vloei, en dan deur die regterventrikel na die longslagaar en die aorta. Regs is Roxanne se hart na die operasie: die opening tussen die twee ontvangkamers is groter gemaak, en gemengde bloed vloei na die linkerventrikel deur die regterventrikel en aorta na die liggaam. Die bandjie om die longslagaar verminder die bloedvloei na die longe en verlaag ook die druk in die longe en verminder oor die hartversaking.
