Ontdek die plante van die Oos-Kaapse Ruigteveld
Die Oos-Kaapse ruigteveld
Heuwels oorgroei met digte groen ruigtestruike waaraagter selfs olifante kan skuil, veral ná reënbuie in die somer en winter. Droë riviervalleie met geelhout- en ander bome en uiters vrugbare grond. Droogtes en vloede wat mekaar afwissel. Histories geseën met die grootste soogdier-diversiteit per vierkante kilometer in SA. Spekbome, malvas, kraanvoëlblomme, syselbosse en ‘n groot verskeidenheid plante wat gebrei is vir oorlewing.
Dis enkele van die plante inheems aan die Oos-Kaapse Ruigteveld wat plantkundige Dr Ernst van Jaarsveld aan ons bekend stel om mooi tuine in dié gebied te vestig.
Luister hier na deel1 van die Ruigteveld:
Die ruigteveld, ook genoem die Albany Thicket, se droë riviervallei tonge.
Ruigteveld en sy olifante
Luister hier na deel 2:
Deel 3 oor die meerjariges en struike, grondbedekkers, bolle, knolle en orgideë en waterplante is vandag om 3 nm op RSG te hoor. Ons hoor ook die jongste inligting oor die staking by Kirkwood.