Dokkies van ons 2e 2022-seisoen

Ons tweede dokumentêre seisoen van 2022 strek oor Julie, Augustus en September.

“Vanjaar se dokumentêre seisoen is veral spesiaal omdat ons 85 jaar van Afrikaanse radio vier. Verskeie spesiale programme word vervaardig om hierdie groot mylpaal te herdenk,” sê Louise Jooste, sakebestuurder van RSG.

Dokkies wat wag:

In ‘n dokumentêr met die titel “Hoorbeeld tot Potgooi” verduidelik Johan van Lill die ontwikkeling van Afrikaanse radio sedert sy ontstaan in 1937.

Die reeks word op ’n hoë noot afgesluit wanneer die ontwikkeling van die Afrikaanse musiekbedryf vertel word. Haidee Muller-Isaacs is bekend vir haar liefde vir musiek en sy neem die luisteraar op ’n voëlvlug deur al die ontwikkelingsfases van dié bedryf.

RSG se dokumentêre programme word elke Donderdag om 20:00 van 7 Julie tot 29 September uitgesaai.

Datum van Uitsending	Vervaardiger	Onderwerp
7 Julie	Ettienne Ludick	Suid-Afrika: ‘n Oudiotêre blik op ons geskiedenis
14 Julie	Jody Hendricks	Diensplig
21 Julie	Lizelle de Bruin	As jy loop, het jy hoop Die Pelgrimstog van Hoop is ‘n pelgrimsroete wat die oudste kerke van Suid-Afrika besoek. Die roete kan gevolg word van Stellenbosch of Robertson af en loop deur die Overberg tot by Agulhas aan die suidpunt van Afrika. Pelgrims kan ook korter dele stap. Die roete neem jou deur van die mooiste dele in die land – onder meer Greyton, Genadendal, die Hemel-en-Aardevallei, Walkerbaai en Baardskeerdersbos. Die roete volg ook die geskiedenis van die land, en loop deur ou sendingstasies soos Genadendal en Elim met hulle uitsonderlike verhale en argitektuur.
28 Julie	Johan van Lill	Distrik 6 nou – Kanala of Tramakassie? Waar is ons land met die hervestiging van die inwoners van Distrik Ses in ’n dokumentêre program wat handel oor die wel en weë van die mense wat destyds verplaas is.
4 Aug	Jacques Arendt	Klippaat – Spoorwegdorp tot spookdorp Klipplaat was jare gelede n baie suksesvolle spoorweg- plaasdorpie wat floreer het en ekonomies suksesvol was agv die spoorweë, spoorwegwerkers en die boere in die omgewing. Die dorp is deesdae ‘n spookdorp met baie armoede agv van die Spoorweë se onttrekking uit dié Karoo-dorpie in die middel-tagtigs.
11 Aug	Terrance April	Jambo jambo Kenia In Terrance April se dokkie besoek hy Kenia, ’n land met ’n ryke geskiedenis, kultuur en toerismebedryf. Op sy reis ondersoek hy die plaaslike mense se menings en denkrigtings.
18 Aug	Martelize Brink	Aan die Klok Martelize Brink verken verskeie slaweklokke in Suid-Afrika in Aan die Klok. Sy vertel van die slaweklokke in die Paarl, Groot Constantia, en Kaapstad. Sy belig ook ’n slaweklok wat uit 1775 dateer.
25 Aug	Lizelle de Bruin	Kilometers van Geskiedenis Die NG Kerk Argief is geleë op die walle van die Eersterivier in Stellenbosch. Met die eerste Sinodesitting van 1824 is daar reeds besluit om ‘n argivaris aan te stel om na die dokumente van die ou Kaapse Kerk om te sien. Die gebou beslaan drie vloere en twee kluise. In die kluise is daar 5 km rakspasie met verskeie versamelings.
1 Sept	Johan Rademan	SA se jongste en grootste botaniese tuin Johan Rademan neem die luisteraar op ’n virtuele toer deur Suid-Afrika se grootste botaniese tuin.
8 Sept	Ina Strydom Louis van Niekerk	Profieldokumentêr: Louis van Niekerk Louis van Niekerk is 88 jaar oud, maar steeds aktief as akteur. Hy het in 1947 as akteur begin werk. Hy is ook regisseur. Moontlik die oudste Afrikaanse akteur wat steeds aktief is
15 Sept	Johan van Lill	Hoorbeeld tot Potgooi 1 In aanloop tot Afrikaanse radio se 85ste verjaarsdag in Oktober sal dokumentêre programme wat die storie van Afrikaanse radio vertel, uitgesaai word.
22 Sept	Johan van Lill	Hoorbeeld tot potgooi2 ‘n Program oor die ontwikkeling van storievertel op radio: van hoorbeelde tot dokkies.
29 Sept	Haidee Muller-Isaacs	85 jaar van musiek Die ontwikkeling van die Afrikaanse musiekbedryf word vertel. Haidee Muller-Isaacs is bekend vir haar liefde vir musiek en sy neem die luisteraar op ’n voëlvlug deur al die ontwikkelingsfases van dié bedryf.

Datum van Uitsending

Vervaardiger

Onderwerp